Título do curso: Formación específica das axudas agroambientais 2024
Data prevista do curso: dende Xuño ata Setembro 2024
Duración: 50 horas
Tipo de formación: online
Dirixido a: persoas beneficiarias que non conten cunha entidade de asesoramento para a campaña 2024 (requisitos establecidos na Orde da PAC), que presenten solicitudes de pagamento vinculadas a compromisos aprobados e iniciados ao abeiro da Orde do 15 de marzo de 2023; que deben reflexalo na solicitude única PAC 2024, no apartado correspondente as entidades de asesoramento a través da aplicación SGA.
Non obstante, poderá realizalo (previa solicitude) calquera persoa solicitante da campaña PAC 2024:
Proceso de solicitude: a través do correo electrónico: sac.fogga@xunta.gal
Contido mínimo da solicitude: nome e apelidos da persoa solicitante do curso, NIF, correo electrónico e número de solicitude única 2024. No caso de persoas xurídicas é recomendable engadir a maiores a Razón social e NIF. Especificar no asunto do e-mail “Formación agroambientais 2024”
Prazo de solicitude: O prazo iniciarase o 30 de abril e finalizará o 31 de maio de 2024 coincidente co fin de prazo de modificación da solicitude única.
No procedemento de admisión ao curso, establécese a seguinte orde de preferencia:
As persoas beneficiarias das axudas agroambientais (intervencións ambientais e climáticas do Plan estratéxico da PAC 2023-2027) que non dispoñan de entidade de asesoramento segundo figura na solicitude única da campaña 2024.
As persoas beneficiarias das axudas agroambientais (intervencións ambientais e climáticas do Plan estratéxico da PAC 2023-2027) que si dispoñan de entidade de asesoramento na campaña 2024.
Os restantes solicitantes da campaña PAC 2024, por orde de entrada da solicitude a través do correo electrónico: sac.fogga@xunta.gal
O proceso de matriculación está dirixido a persoas físicas, de modo que no caso de persoas xurídicas é obrigado certificar a vinculación da sociedade coa persoa que vai realizar o curso.
Avaliación do curso: Para acadar unha avaliación positiva do curso débense cumprir os criterios de avaliación establecidos na plataforma de formación e superar a proba final. A proba final consta dun cuestionario de 30 preguntas con 4 respostas alternativas, das que só unha delas é válida. Para superalo deberá de dar resposta correcta polo menos o 50% das preguntas.
No caso de non superar o curso a persoa solicitante (sen entidade de asesoramento na PAC 2024) perderá as axudas nas que é obrigatorio contar cunha entidade de asesoramento, dado que se incumpren os requisitos establecidos na Orde pola que se regula a aplicación dos pagos directos á agricultura e á gandaría e das axudas ao desenvolvemento rural suxeitas ao sistema integrado de xestión e control.
Tipo de exame: online, nunha única data en Setembro de 2024
Contido: 10 módulos
Módulo 1: O segundo piar de PAC no período 2023-2027: a política de desenvolvemento Rural. (5 horas)
Módulo 2: O SIXPAC e a súa actualización. (5 horas)
Módulo 3: As aplicacións móbiles na xestión da PAC: SGA@pp e SGAfot. (5 horas)
Módulo 4: O SIEX e o CUE no marco do RD 1054/2022: contido mínimo. (5 horas)
Módulo 5: A condicionalidade reforzada. (5 horas)
Módulo 6: Os réximes a favor do clima, o medio ambiente e o benestar animal (ecorexímenes). (5 horas)
Módulo 7: O sistema de xestión e control das axudas agroambientais no período 2023-2027. (5 horas)
Módulo 8: A nova PAC e os controis mediante monitoraxe. (5 horas)
Módulo 9: Os requisitos non monitorizables (5 horas)
Módulo 10: Penalizacións, sancións e exclusións no período 2023-2027. (5 horas)
